اسرائیل نے غزہ پر بمباری کرکے بجلی، مواصلاتی رابطے کاٹ دیے ہیں، ہمیں معصوم فلسطینیوں کی حالت کو نظر انداز نہیں کرنا چاہیے،جلیل عباس جیلانی
نگران وزیرِ خارجہ جلیل عباس جیلانی نے عالمی برادری سے مطالبہ کیا ہے کہ وہ غزہ میں فوری جنگ بندی کا مطالبہ کرنے والی اقوام متحدہ کی قراردادوں کا احترام کرنے کے لیے اسرائیل پر دباؤ ڈالے۔سوشل میڈیا پلیٹ فارم پر ایک ٹویٹ میں نگران وزیر خارجہ نے کہا کہ اسرائیل نے غزہ پر بمباری جاری رکھتے ہوئے بجلی، تمام مواصلاتی رابطے کاٹ دیے ہیں۔انہوں نے کہا کہ اس اندھیرے میں ہمیں معصوم فلسطینیوں کی حالت کو نظر انداز نہیں کرنا چاہیے۔
