امریکا نے جنوبی کوریا میں ایران کے منجمد فنڈزکو بحال کردیا ہے۔ فنڈز بحالی سے متعلق ایران کے مرکزی بینک کے سربراہ نے تصدیق کرتے ہوئے کہا کہ ایسی اشیا خریدی جائیں گی جن پرپابندیاں نہیں ہیں۔ترجمان امریکی قومی سلامتی کے مطابق ایران خوراک، ادویات اور طبی آلات خرید سکتا ہے اور ایران کے 6 بلین ڈالرقطر کے بینکوں میں منتقل کیے جائیں گے۔ امریکی وزیر خارجہ انٹونی بلنکن نے کہا کہ ایران کو پابندیوں میں ریلیف نہیں دے رہے، امریکیوں کی رہائی کا ایران پر پابندی سے کوئی تعلق نہیں ہے۔
